X4 至尊拼配 Premium Blend｜低酸 堅果朱古力 意式手沖皆宜

日常飲、加奶飲，都唔會出錯。

X4 Premium Blend 以巴西黃波旁同洪都拉斯海盜豆為主調，濃厚、甜度高，苦味同酸味都低。堅果同朱古力香氣明顯，手沖同意式都沖得，係偏好低酸嘅日常配方。

想要花果香同明亮酸質？睇吓 淺焙 或 中淺焙 單品豆。

點解要拼配

單品豆係「呢塊地長出嚟就係咁」，一批賣完就冇，下一批味道唔會一樣。拼配豆唔同 —— 佢係為咗一個目的而砌出嚟：全年供應、每次落單味道一致、用喺你日常沖煮方式上唔會失手。

巴西黃波旁做主調，因為佢糖分高、酸度低、body 厚，加咗奶之後唔會被蓋過。洪都拉斯補甜感同圓潤度，哥倫比亞收結構。烘焙度控喺中焙至中深焙之間 —— 再淺啲堅果朱古力調性未出得嚟，再深啲就只剩苦味。

配方構成

產地	巴西、洪都拉斯、哥倫比亞
主調	巴西黃波旁、洪都拉斯海盜豆
品種	阿拉比卡
烘焙度	中焙至中深焙
風味	堅果、朱古力，甜感高，酸苦皆低
適合	手沖、意式、加奶

沖煮

手沖　可由每 15 克粉配 240 克水、水溫 90 度開始，中度研磨。

意式　可由 18 克粉、萃取 36 克液重、25 至 30 秒開始，再按機器同口味微調。

想要針對你器材嘅參數，可以用 AI 咖啡師；沖出嚟唔啱味，可以去 手沖咖啡診斷室 排查。

咖啡店、辦公室

本款設 3kg 及 5kg 大量裝，適合咖啡店、辦公室或者家庭長期飲用。需要更大量或者長期供應，可以睇吓 咖啡豆及用品批發，或者直接 WhatsApp 我哋。

出貨時間、養豆、存放、代磨詳情請睇 常見問題。咖啡屬農產品，風味會因產季、批次、烘焙同沖煮方式而有差異。